24 Online News
२७ आश्विन २०७७ ०९:००

आइपिएल : कोलकत्तामाथि बैंग्लोरको फराकिलो जीत

काठमाडौं । आइपिएल क्रिकेटमा सोमबार राति भएको कोलकत्ता र बैंग्लोरबीचको खेलमा बैंग्लोरले जीत हात पारेको छ ।

विराट कोहली कप्तानीको बैंग्लोरले कोलकाता नाइट राइडर्सलाई ८२ रनले पराजित गरेको हो । बैंग्लोरले प्रस्तुत गरेको १९५ रनको लक्ष्य पछ्याएको कोलकाताले ९ विकेटको क्षतिमा ११२ रन मात्रै बनाउन सक्यो ।

शारजहामा भएको खेलमा शुभम गिलले ३४ तथा आन्द्र रसेल र राहुल त्रिपाठीले समान १६ रन बनाउनु बाहेक कोलकाताका कुनै पनि खेलाडीले दोहोरो अंकमा रन जोड्न सकेनन् । बैंग्लोरले क्रिस मोरिस र वासिङ्गटन सुन्दरले समान दुई–दुई विकेट लिए ।

यसअघि पहिले ब्याटिङ्ग गरेको बैंग्लोरले मात्रै दुई विकेटको क्षतिमा १९४ रन बनायो । उसका लागि एबी डी भिल्लियर्सले ३३ बलमा नटआउट ७३ रनको योगदान दिए । यस्तै कप्तान विराट कोहलीले २८ बलमा नटआउट ३३, देवदत्त पादिक्कालले २३ बलमा ३२ र आरोन फिन्चले ३७ बलमा ४७ रन बनाए ।

जितपछि सात खेलबाट १० अंक जोडेको बैंग्लोर तेस्रो स्थानमा छ । पहिलो र दोस्रो स्थानमा रहेका मुम्बई इन्डियन्स र दिल्ली क्यापिटल्सको पनि समान १० अंक नै छ ।

थप समाचार

कमेन्ट गर्नुहोस

Your email address will not be published.